...

Dünya çempionatından 1 gümüş, 1 bürünc medal

İdman Materials 24 Noyabr 2014 12:08 (UTC +04:00)
Cənubi Koreyanın Jeju şəhərində keçirilən boks üzrə qadınlar arasında dünya çempionatına yekun vurulub. Azərbaycan milli komandası yarışda 1 gümüş və 1 bürünc medal qazanıb.
Dünya çempionatından 1 gümüş, 1 bürünc medal

Azərbaycan, Bakı, 24 noyabr /Trend/

Cənubi Koreyanın Jeju şəhərində keçirilən boks üzrə qadınlar arasında dünya çempionatına yekun vurulub. Azərbaycan milli komandası yarışda 1 gümüş və 1 bürünc medal qazanıb.

Trend Azərbaycan Boks Federasiyasına istinadən xəbər verir ki, 69 kq çəki dərəcəsində mübarizə aparan Avropa çempionu, dünya çempionatının gümüş mükafatçısı Yelena Vıstropova bu dəfə bürünc medalla kifayətlənib. Boksçumuz yarımfinalda Panama təmsilçisi Athena Bilona məğlub olub.

Yana Alekseyeva (60 kq) isə yarımfinalda fransalı Estell Mosseli üzərində qələbə qazanıb - 2:1. Ancaq milli komandamızın üzvü finalda dünyanın ən güclü qadın boksçusu hesab olunan irlandiyalı Keti Teylorla qarşılaşmalı olub. Alekseyeva Olimpiya, 5 qat dünya və 6 qat Avropa çempionu olan rəqibinə layiqli müqavimət göstərsə də, hakimlər qələbəni Teylora veriblər.

Qeyd edək ki, komandamız 2 il əvvəl Çin Xalq Respublikasında keçirilmiş dünya çempionatında 1 gümüş medal qazanmışdı. Yelena Vıstropova 2-ci yeri tutmaqla yanaşı, London olimpiadasına lisenziya da əldə etmişdi.

Məqalədə:
Xəbər lenti

Xəbər lenti