Azərbaycan, Bakı, 3 iyun /Trend/
Bu gün Azərbaycan Kubokunun final oyunu keçirilib.
Trend-in məlumatına görə, Qəbələdə baş tutan həlledici qarşılaşmada Ağdam təmsilçisi hesabı açıb - 5-ci dəqiqədə Reynaldo fərqlənib. 39-cu dəqiqədə Reynaldo dubl edib.
78-ci dəqiqədə Ernest Nfor paytaxt təmsilçisini ruhlandırıb - 2:1. Lakin 84-cü dəqiqədə Muarem Muarem dəqiq zərbə ilə son nöqtəni qoyub - 3:1.
Beləliklə, Azərbaycan çempionu "Qarabağ" bu mövsümdə həm də Azərbaycan Kubokuna sahib çıxıb.
