Bakı. Trend:
Avropa Gimnastika İttifaqı (UEG) baş direktor vəzifəsində Liza Vortmanı (Almaniya) təqdim edib.
Trend bu barədə UEG-ə istinadən məlumat verir.
Sentyabrın 1-dən vəzifələrinin icrasına başlayan Liza Vortman daha əvvəl İsveçrə Gimnastika Federasiyasının turnirlərin təşkili departamentinin direktoru olub, 2011 və 2016-cı illərdə keçirilmiş idman gimnastikası üzrə Avropa çempionatlarının təşkilində təcrübəyə malikdir.
Onun yeni vəzifədə ilk turnirləri payızda keçiriləcək aerobika və akrobatika üzrə Avropa çempionatları olacaq.