Bakı. Trend:
Qadın voleybolu üzrə Bakıda keçirilən Avropa çempionatının rəmzi yığması açıqlanıb.
Trend-in Avropa Voleybol Konfederasiyasının (CEV) saytına istinadən verdiyi məlumata əsasən, müxtəlif oyunçulardan qurulmuş simvolik yığmada Azərbaycan millisinin üzvü də yer alıb.
Çempionatın ən yaxşı liberosu millimizin voleybolçusu Valeriya Məmmədova seçilib. Ən yaxşı hücumçular Brankiça Mixayloviç (Serbiya), Löneke Slotyes və Anne Bayiş (hər ikisi Hollandiya), blokçular Eda Dündar (Türkiyə), Stefana Velyikoviç (Serbiya), toppaylayıcı isə Laura Diykema (Hollandiya) olub.
Qadın voleybolu üzrə Avropa çempionatının yekun nəticələri:
1-ci yer: Serbiya
2-ci yer: Hollandiya
3-cü yer: Türkiyə
4-cü yer: Azərbaycan