Bakı. Vüqar İmanov - Trend:
Azərbaycan milli komandası mini-futbol üzrə qitə çempionatındakı çıxışını yekunlaşdırıb.
Trend-in məlumatına görə, son turda Serbiya yığmasıyla qarşılaşan millimiz rəqibinə minimal hesabla məğlub olub. Bununla da aktivində 3 xal olan Azərbaycan yığma komandası yer aldığı D qrupunu dördüncü yerdə tamamlayıb.
Qeyd edək ki, millimizin yer aldığı qrupdan növbəti mərhələyə müvafiq olaraq Serbiya və Çexiya yığmaları vəsiqə qazanıb.
Serbiya 2:1 Azərbaycan
Qollar: Neboyşa Desiça 5` Stefan Radoyanoviç 9`/Asif Zeynalov 39`
Baş hakim: Sezar İonesku (Rumıniya)
Hakim: Tomaş Qoqa (Slovakiya)
