Bakı. Trend:
Azərbaycan karateçisi Asiman Qurbanlı (+84 kq) “Minsk 2019” ikinci Avropa Oyunlarının finalına yüksəlib.
Trend-in məlumatına görə, Oyunların kumite yarışlarında A qrupunda mübarizə aparan karateçimiz qrup mərhələsində birinci oyunda hollandiyalı Darnel Ladi Tirona 2:0 hesabı ilə qalib gəlib.
Qrupda ikinci oyunda almaniyalı Conatan Horn ilə xalsız heç-heçə edən karateçimiz sonuncu görüşdə türkiyəli Alparslan Yunusoğluna qalıb gəlib.
Yarımfinalda gürcüstanlı Qoqita Arkaniyaya 8:0 hesabı ilə qalib gələn idmançımız finala yüksəlib. Finalda onun rəqibi xorvatiyalı Andcela Kvesiç olacaq.