Bakı. Cani Babayeva - Trend:
Bakıda Milli Gimnastika Arenasında gözəl atmosfer hökm sürür.
Bunu Trend-ə aerobika gimnastikası üzrə 5-ci Azərbaycan birinciliyi və Bakı Çempionatının iştirakçısı, "Ocaq Sport" klubunun yetirməsi Leyla Bejanova deyib.
Gənc gimnast bildirib: "Bu gün yarışlarda mən yaxşı çıxış edirdim, səhv buraxmadım. Milli Gimnastika Arenası mükəmməldir. Belə böyük zalda çıxış etmək bir az qorxuludur, amma tamaşaçılar bizi dəstəkləyir və həyəcan hissi keçir".
L.Bejanova həmçinin bildirib ki, Milli Gimnastika Arenasında keçirilən beynəlxalq yarışlara tamaşaçı kimi tez-tez gəlir: "Burada yarışlar parlaq və gözəl keçir, gimnastların çıxışlarına tribunadan izləmək mənim üçün həmişə maraqlıdır".