Bakı. Trend:
Bu gün UEFA Çempionlar Liqasının 1/8 final mərhələsi çərçivəsində ilk iki oyun keçirilib.
Trend-in məlumatına görə, İspaniyanın Madrid şəhərini təmsil edən "Atletiko" klubu öz meydanında İngiltərənin "Liverpul" klubunu qəbul edib.
Oyun meydan sahibinin 1:0 hesablı qələbəsi ilə yekunlaşıb. Oyunda yeganə qolu 4-cü dəqiqədə Saul vurub.
Gecənin digər oyununda Almaniyanın "Borussiya" klubu Fransanın "PSJ" klubunu qəbul edib. Oyun meydan sahibinin 2:1 hesablı qələbəsi ilə yekunlaşıb.
Oyun qolları ev sahibi komandasından E.Holand (69-cu və 77-ci dəqiqələr), qonaq komandadan isə Neymar (75-ci dəqiqə) vurublar.