Bakı. Trend:
Bu gün UEFA Çempionlar Liqasının 1/8 final mərhələsinin ilk cavab matçları keçirilib.
Trend-in məlumatına görə, İngiltərənin "Mançester Siti" klubu Almaniyanın "Borussiya" (Münhenqladbah) klubuna qalib gəlib - 2:0. Oyunda qolları K.De Brüyne və İ.Gündoğan vurublar.
Digər oyun İspaniyanın "Real Madrid" klubu İtaliyanın "Atalanta" klubu üzərində qələbə qazanıb - 3:1. İspaniya təmsilçisinin heyətində qolları K.Benzema, S.Ramos və M.Asensio vurublar, İtaliya təmsilçisinin yeganə qolunun müəllifi isə L.Müriel olub.
Beləliklə, "Mançester Siti" və "Real Madrid" UEFA Çempionlar Liqasının 1/4 final mərhələsinə vəsiqə qazanıblar.