Bakı. Trend:
"US Open" Böyük Dəbilqə turnirinin kişilər arasında təkli yarışlarının final oyunu baş tutub.
Trend-in məlumatına görə, "US Open"in qalibi Rusiyalı tennisçisi Daniil Medvedev olub.
Finalda D.Medvedev dünya reytinqinin lideri olan Serbiyalı Novak Cokoviçi məğlub edib. 2 saat 17 dəqiqə davam edən görüşdə 6:4, 6:4, 6:4 hesabı ilə rusiyalı tennisçi qalib gəlib.
Qeyd edək ki, "US Open" avqustun 30-u Nyu-Yorkda start götürmüşdü. Turnirin ümumi uduş fondu 57,5 milyon dollar təşkil edir.