...

Cüdoçularımız Avropa kuboku yarışlarının ilk günündə 3 medal qazanıblar

İdman Materials 23 Aprel 2022 23:01 (UTC +04:00)
Cüdoçularımız Avropa kuboku yarışlarının ilk günündə 3 medal qazanıblar

Bakı. Trend:

Azərbaycan cüdoçuları Xorvatiyanın Dubrovnik şəhərində keçirilən böyüklər arasında Avropa kuboku turnirinin ilk yarış gününü 2 qızıl və 1 bürünc medalla başa vurublar.

Trend xəbər verir ki, qızıl medalları komandamızın aktivinə İsmayıl İbrahimov (66 kq) və Nəriman Mirzəyev (73 kq) yazdırıblar. Həlledici mərhələdə İ. İbrahimov (66 kq) italiyalı rəqibi Leanardo Valeriyanini, Nəriman Mirzəyev (73 kq) isə İtaliyanın digər idmançısı Qabriyele Sullini məğlub ediblər.

Komandamızın üzvü Nazir Talıbov (60 kq) bürünc medal qazanıb. O, üçüncü yer uğrunda mübarizədə niderlandlı Bart Velinqə qalib gəlib.

Azərbaycan iki gün davam edəcək turnirə 10 cüdoçu ilə qatılıb. Avropa kuboku yarışında 25 ölkədən 300-ə yaxın cüdoçu iştirak edir.

Məqalədə:
Xəbər lenti

Xəbər lenti