Bakı. Trend:
Ağdamın “Qarabağ” klubu UEFA Çempionlar Liqasının növbəti təsnifat mərhələsinə yüksəlib.
Trend-in məlumatına görə, turnirin ikinci təsnifat mərhələsinin cavab oyunları çərçivəsində Ağdam təmsilçisi İsveçrənin “Sürix” komandasının qonağı olub.
Oyunun əsas vaxtı meydan sahibi komandasının 2:1 hesablı qələbəsi ilə yekunlaşıb. İlk oyunda 3:2 hesabı qeydə alındığı üçün cari oyunda əlavə vaxt oynanılıb.
Əlavə vaxtda rəqibin qapısına yol tapan "Qarabağ" hesabı bərabərləşdirib. Oyun 2:2 hesabı ilə başa çatıb.
Hər iki oyunun nəticəsinə əsasən (4:5) "Qarabağ" UEFA Çempionlar Liqasının III təsnifat mərhələsinə yüksəlib.