Bakı. Trend:
Bu gün İngiltərə Premyer Liqasının 19-cu turu çərçivəsində "Brentford" klubu "Liverpul"u qəbul edib.
Trend xəbər verir ki, oyun meydan sahiblərinin 3:1 hesablı qələbəsi ilə yekunlaşıb.
"Brentford"un heyətində qolları Yoan Vissa (42-ci dəqiqə) və Brayan Mbemo (84) vurublar. Oyunun 19-cu dəqiqəsində "Liverpulun" müdafiəçisi İbrahima Konate avtoqol müəllifi olub.
"Liverpul"un yeganə qolunu 50-ci dəqiqə Aleks Oksleyd-Çemberleyn vurub.
Qeyd edək ki, 19 turdan sonra "Liverpul" (17 oyun keçirib) 28 xalla altıncı yerdə, "Brentford" (18 oyun keçirib) isə 26 xalla yeddinci yerdə qərarlaşıb.