Bakı. Trend:
Bakının “Neftçi” klubu hücumameyilli yarımmüdafiəçi Kilan Lebonu transfer edib.
Trend-in məlumatına görə, bu bardə klubdan məlumat verilib.
Bildirilib ki, fransız futbolçu ilə 1,5+1 il müddətinə müqavilə bağlanıb. İyirmi beş yaşlı yarımmüdafiəçi komandanın heyətində 22 nömrəli formanı geyinəcək.
K.Lebon Fransanın “Amyen-2”, “Paris-2”, “Şambli”, “Paris”, “Qazelek Ayaçço”, “Kretey”, Hollandiyanın “Utrext-2”, Bolqarıstanın “Beroe” və Qazaxıstanın “Astana” klublarında çıxış edib.
Qeyd edək ki, “Neftçi” bundan əvvəl müdafiəçi – milli komandamızın üzvü Höccət Haqverdini transfer edib.