Bakı. Trend:
İsveçin "Norrköpinq" klubunda icarə əsasında itkin düşdüyü bildirilən "Milan"ın hücumçusu Emil Robak tapılıb.
Trend-in məlumatına görə, bu barədə "Norrköpinq"in idman direktoru Toni Martinsson deyib.
"Onunla bu gün (cümə axşamı) görüşdüm, ona görə də hər şey nəzarət altındadır. Bu barədə daha danışmayacağıq", - deyə o bildirib.
Bunda əvvəl 20 yaşlı isveçlinin iki həftə ərzində həm qohumları, həm də klubla əlaqə saxlamadığı və buna görə məşqdən yayındığı barədə məlumatlar yayılmışdı.