Bakı. Trend:
“Sumqayıt”ın Konfrans Liqasında rəqibi olan “Fehervar” klubu heyətinə yeni futbolçu qatıb.
Trend İdman.biz-ə istinadən xəbər verir ki, macarlar 27 yaşlı yarımmüdafiəçi Bedi Bense ilə gücləniblər.
Futbolçu yerli “Zalaeqerseq”dən transfer olunub. O, azad agent kimi “Fehervar”a keçib. Bense Macarıstan çempionatında meydana çıxdığı 141 oyunda 7 qolla yadda qalıb.
Qeyd edək ki, "Sumqayıt"la "Fehervar" arasında ilk oyun iyulun 25-də Sumqayıtda, cavab matçı ayın 31-də səfərdə olacaq.