Paris. Trend:
Azərbaycanın qadınlardan ibarət 3x3 basketbol millisi Fransanın paytaxtı Parisdə keçirilən Yay Olimpiya Oyunlarında qrupdakı sonuncu matçına çıxıb.
Trend-in Fransaya ezam olunmuş müxbirinin verdiyi məlumata görə, yığmamız VII turda Kanada yığması ilə qarşılaşıb.
Görüş komandamızın 19:21 hesablı məğlubiyyəti ilə yekunlaşıb.
Komandamızın mövqeyi ardınca baş tutacaq görüşlərdən sonra dəqiqləşəcək. Bu gün İspaniya Almaniya, Fransa Avstraliya, Çin ABŞ-la görüşəcək.
Qeyd edək ki, ilk iki yerin sahibi yarımfinala, 3-6-cı pillələrin sahibləri pley-inə vəsiqə qazanacaq.
