Bakı. Trend:
Kriştiano Ronaldonun çıxış etdiyi "Əl-Nəsr"in yeni baş məşqçisinin adına aydınlıq gəlib.
Trend İdman.biz-ə istinadən xəbər verir ki, komandaya Stefani Pioli başçılıq edəcək.
58 yaşlı mütəxəssis ötən mövsümün sonunda "Milan"dan ayrılıb. O, 2022-ci ildə "rossonoyerlilər"ə İtaliya çempionu titulunu qazandırıb.
Qeyd edək ki, "Əl-Nəsr" dünən portuqaliyalı mütəxəssis Luiş Kaştra ilə yollarını ayırıb. Komanda Səudiyyə Ərəbistanı Liqasında 3 turdan sonra 5 xalla 7-ci pillədə qərarlaşıb.