Bakı. Trend:
Azərbaycan çempionu “Qarabağ” bu gün növbəti avrokubok oyununa çıxacaq.
Trend İdman.biz-ə istinadən xəbər verir ki, Qurban Qurbanovun komandası Avropa Liqasının Liqa mərhələsində III turun matçını keçirəcək.
Təmsilçimiz “Ayaks”la üz-üzə gələcək. Niderland klubu ilə görüş Tofiiq Bəhramov adına Respublika stadionunda baş tutacaq. İlk iki oyunda uduzan “Qarabağ” uğursuz seriyanı qırmağa çalışacaq.
Qeyd edək ki, bunadək “Tottenhem”ə 0:3, “Malmö”yə 1:2 hesabı ilə uduzan Ağdam klubu növbəti matçını noyabrın 7-də keçirəcək. “Qarabağ” səfərdə “Bodo Qlimt”lə qarşılaşacaq.
Avropa Liqası
Liqa mərhələsi
III tur
24 oktyabr
20:45. “Qarabağ” – “Ayaks”
Baş hakim: Nikolas Uolş (Şotlandiya)
Tofiq Bəhramov adına Respublika stadionu