Bakı. Trend:
Albaniyanın paytaxtı Tiranada güləş üzrə U-23 dünya çempionatı davam edir.
Trend İdman.biz-ə istinadən xəbər verir ki, yarışın altıncı günündə də xalçaya sərbəst güləşçilər çıxıblar.
Onlar son 5 dəst medal uğrunda güclərini yoxlayırlar. Bütün çəkilərdə Azərbaycan təmsil olunur.
57 kq
Vasif Bağırov ilk mərhələdə ermənistanlı Manvel Xndzrtsyanla üz-üzə
gəlib və rəqib 12:2 hesabı ilə qalib gəlib.
65 kq
Rəşid Babazadə ilk görüşündə Alibek Alibekovu (Bəhreyn) 5:0 hesabı
ilə məğlub edib. O, ardınca Hamzat Arsamerjoyevdən (Fransa) də
güclü olub - 2:1. Babazadə 1/4 finalda özbəkistanlı Umidjon
Jalolova uduzub.
70 kq
Maqomed Xanıyev startda Muhammad Abduraxmanovu (Belçika) 7:0 hesabı
ilə məğlub edib. O, ardınca Elih Samuel Riveraya (Puerto-Rika) heç
bir şans verməyib - 10:0. Xanıyev 1/4 finalda tacikistanlı Mustafo
Ahmedovdan üstün olub 10:4. Güləşçimiz yarımfinalda Suceet Suceetlə
(Hindistan) üz-üz gələcək.
79 kq
Əli Tskayev təsnifat mərhələsində Aryan Danaya (Albaniya) 11:0
hesabı ilə qalib gəlsə də, ardınca İvan Qaraşuka (Ukrayna) uduzub -
4:4.
97 kq
Aslan Abakarov ilk görüşdə iranlı Mahdi Hacıloviana 0:10 hesabı ilə
məğlub olub.
Qeyd edək ki, mundialda yunan-Roma güləşçilərimizdən Rəşad Məmmədov (55 kq) gümüş, Nihat Quluzadə (60 kq) ilə Xasay Həsənli (77 kq) bürünc medal qazanıb. Qadın güləşçilərimizdən Jalə Əliyeva (57 kq) isə dünya çempionu olub.