Bakı. Trend:
Avstraliyanın şərqində, Sidney şəhərindən 80 km cənub-qərbdə yerləşən Oakdeyl şəhərində iki yüngülmühərrikli təyyarə havada toqquşub.
Trend xarici KİV-ə istinadən xəbər verir ki, toqquşma nəticəsində 3 nəfər həyatını itirib.
Rəsmi açıqlamaya görə, toqquşma yerli vaxtla saat 11:50-də (Bakı vaxtı ilə 04:50) baş verib.
"Fövqəladə xidmətlər iki yüngül təyyarənin toqquşması barədə məlumat aldıqdan sonra hadisə yerinə gəlib. Hazırda polis əməkdaşları ərazidə işləyir, hadisə yeri mühasirəyə alınıb", - polis bildirib.
Qeyd edilib ki, hadisənin araşdırılması Avstraliya Aviasiya Təhlükəsizliyi İdarəsi ilə əməkdaşlıqda aparılacaq.