Bakı. Trend:
ABŞ Prezidenti Donald Tramp ilk dəfə olaraq Ukraynaya hərbi dəstək məqsədilə əlavə maliyyə ayırmaq imkanını dəyərləndirir.
Trend-in məlumatına görə, bu barədə CBS telekanalı məlumat yayıb.
Məlumata əsasən, Tramp administrasiyası Co Baydenin prezidentliyi dövründən qalan vəsaitdən – təxminən 3,85 milyard dollardan istifadə edə bilər. Bu vəsait “Presidential Drawdown Authority” (PDA) mexanizmi çərçivəsində nəzərdə tutulub. PDA mexanizmi ABŞ prezidentinə fövqəladə vəziyyət zamanı Konqresin təsdiqi olmadan tərəfdaş ölkələrə silah və hərbi ləvazimat göndərmək imkanı verir.
CBS-in mənbələri hesab edir ki, bu vəsait Kiyevə hərbi yardım məqsədilə yönəldilə bilər və bu addım eyni zamanda Rusiyaya "siqnal" xarakteri daşıya bilər.
Bundan əlavə, Trampın ABŞ-də dondurulmuş təxminən 5 milyard dollarlıq Rusiya aktivlərini Ukraynaya ötürmək imkanını nəzərdən keçirdiyi ehtimal olunur. Lakin nə hazırkı prezident Co Bayden, nə də Tramp indiyədək bu varianta müraciət etməyib.