Bakı. Trend:
İspaniya Kubokunun 1/16 final mərhələsində növbəti görüş keçirilib.
Trend xəbər verir ki, Madridin "Real" klubu səfərdə "Deportiva Minera" komandası ilə qarşılaşıb və oyundan 5:0 hesablı qələbə ilə ayrılıb. Komandanın qollarından ikisini türkiyəli gənc ulduz Arda Güler vurub. Digər qollar isə Valverde, Kamavinqa və Modriçin hesabına yazılıb.
Qeyd edək ki, artıq "Barselona", "Pontevedra", "Atletik", "Atletiko", "Ourense", "Real Sosyedad", "Xetafe", "Betis", "Selta", "Rayo Valekano", "Almeriya", "Elçe", "Leqanes" və "Osasuna" komandaları 1/8 final mərhələsinə vəsiqə qazanıb. Sonuncu 1/8 final iştirakçısı isə sabah keçiriləcək "Eldense" - "Valensiya" qarşılaşmasında müəyyənləşəcək.