Ağdam. Trend:
Ağdamda mikroavtobusla minik maşını toqquşub.
Trend-in yerli müxbirinin xəbərinə görə, hadisə rayonun işğaldan azad olan Sarıcalı kəndi ərazisində qeydə alınıb.
Hərəkətdə olan "Lada" markalı minik maşını qarşıdan gələn "Mercedes" markalı mikroavtobusla toqquşub.
Qəza nəticəsində hər iki avtomobilin sürücüsü müxtəlif dərəcəli xəsarət alıb. Yaralılar rayon xəstəxanasına çatdırılıb.
Faktla bağlı araşdırma aparılır.
