Bakı. Trend:
Bakı və Abşeron ərazisində metro və avtobuslardan istifadə edən sərnişinlər gediş haqlarını fiziki kart olmadan asanlıqla ödəyə bilirlər. Bunun üçün Birbank mobil tətbiqində QR bilet yaratmaq kifəyətdir.
Bu barədə Trend-ə bankdan məlumat verilib.
Bildirilir ki, bilet yaradıldığı andan etibarən 1 dəqiqə ərzində
istifadə edilə bilər. İstifadə edilməyən biletlərə görə ödənilən
məbləğ 3-30 gün ərzində müştərinin hesabına geri qaytarılır.
"Noyabr ayında isə texniki xəta səbəbindən müştərilərin BakıKart QR
biletləri üzrə istifadə etmədikləri biletlərlə yanaşı istifadə
etdikləri biletlərin ödənişləri də onların hesablarına geri
qaytarılıb. Bu səbəbdən də bank tərəfindən müştərilərə bildiriş
göndərilərək məlumat verilib ki, istifadə edilən biletlərə görə 29
noyabr-4 dekabr tarixləri aralığında onların hesablarına qaytarılan
vəsait 10 yanvar tarixinədək müvafiq kart balansından çıxılacaq. Bu
mövzuda sualları olan müştərilər Birbank mobil tətbiqində 29
noyabr-4 dekabr tarixlərini əhatə edən əməliyyat tarixçələrinə
baxaraq hesablarını yoxlaya və ya 196 Sorğu mərkəzi ilə əlaqə
saxlaya bilərlər", - məlumatda qeyd olunub.
