Bakı. Trend:
Azərbaycan Gimnastika Federasiyası Milli Gimnastika Arenasında yeni ilə həsr olunmuş uşaqlara və böyüklərə sehrli Yeni İl bayramı hədiyyə edib.
Trend xəbər verir ki, Yeni İl şousu ilə tamaşaçıları sevindirmək çoxdan Azərbaycan Gimnastika Federasiyasının ənənəsinə çevrilib, bu il tamaşaçıların diqqətinə "Şelkunçik" proqramı təqdim olunub.
Yeni il şousu başlamazdan əvvəl ölkəmizin ərazi bütövlüyü uğrunda canlarını fəda etmiş şəhidlərimizin və AZAL-ın sərnişin təyyarəsinin qəzaya uğraması nəticəsində həlak olan sərnişinlərin və ekipaj üzvlərinin xatirəsi bir dəqiqəlik sükutla yad edilib.
Sonra "Şelkunçik"tamaşası nümayiş olundu.
Tamaşaçılar baş qəhrəmanlar Klara və Şelkunçik ilə birlikdə sehr və macəra ilə dolu bir fantaziya dünyasına səyahət ediblər.
Gözəl musiqi, parlaq səhnə geyimləri, iştirakçıların və tamaşanın yaradıcılarının peşəkarlığı bu axşamı unudulmaz etdi.
Tədbir iştirakçıları parlaq gimnastika və xoreoqrafiya üzrə proqramlarla çıxış ediblər.
