...

PAŞA Bank BAFT-ın Beynəlxalq ticarətin inkişafı üzrə illik konfransında iştirak edir

İqtisadiyyat Materials 28 Sentyabr 2018 13:30 (UTC +04:00)
Azərbaycanın aparıcı korporativ bankı PAŞA Bank ABŞ-ın Çikaqo şəhərində keçirilən Beynəlxalq ticarətin inkişafı üzrə illik konfransda iştirak edir.
PAŞA Bank BAFT-ın Beynəlxalq ticarətin inkişafı üzrə illik konfransında iştirak edir

Bakı. Trend:

Azərbaycanın aparıcı korporativ bankı PAŞA Bank ABŞ-ın Çikaqo şəhərində keçirilən Beynəlxalq ticarətin inkişafı üzrə illik konfransda iştirak edir. Tədbirin təşkilatçısı nüfuzlu beynəlxalq qurum olan - Bankers Association for Finance & Trade (BAFT)-dir.

Bu konfransda hər il ümumilikdə beynəlxalq ticarət əməliyyatlarının aparılmasında fəal iştirak edən şirkət və qurumların 100-dən artıq nümayəndəsi - beynəlxalq maliyyə institutları, sığorta şirkətləri, konsaltinq şirkətləri, ixrac kredit agentlikləri, biznes üçün İT həllərinin işlənib hazırlanması ilə məşğul olan şirkətlər, həmçinin dövlət institutları və tənzimləyici qurumların nümayəndələri iştirak edir.

Konfransın spikeri qismində PAŞA Bankı Xəzinədarlıq və Kapitalın İdarə olunması Departamentinin direktoru Ceyhun Hacıyev təmsil edir. Bankın nümayəndəsi “Ticarət münasibətlərinin inkişafında tərəfdaşlıq yanaşması: Baş Treyderlər ilə dialoq” mövzusunda olan tematik paneli çərçivəsində tədbir iştirakçılarının qarşısında çıxış edəcək.

Bu il konfrans iştirakçıları əsasən beynəlxalq ticarət siyasətinin inkişafında müasir meyllər, beynəlxalq ticarətin milli iqtisadiyyatın inkişafına təsiri, risklərin idarə olunması baxımından ticarət maliyyələşdirməsi, təchizat zəncirinin idarə edilməsi kimi mövzuları müzakirə edəcəklər. Mütəxəssislər beynəlxalq ticarət əməliyyatlarının aparılmasının tənzimləyici çərçivələri və hüquqi əsası, blokçeyn texnologiyaların perspektivləri, bank olmayan kredit təşkilatlarının ticarət maliyyələşdirməsində iştirak potensialı, ixrac kredit agentliklərinin rolu kimi məsələlərdə fikir mübadiləsi aparacaq, aktual olan digər məsələləri müzakirəyə çıxaracaqlar.

Qeyd edək ki, bu, BAFT tərəfindən keçirilən 28-ci beynəlxalq ticarətin inkişafı üzrə beynəlxalq konfransdır. İkigünlük tədbir öz işini bu gün – sentyabrın 28-i yekunlaşdırır.

Məqalədə:
Xəbər lenti

Xəbər lenti