Bakı. Trend:
Bakıda “Twix” brendinin Azərbaycan mətbuat nümayəndələri ilə ilk çay süfrəsi təşkil olunub.
Noyabr ayının əvvəlindən etibarən “Twix” brendi Azərbaycanda "Twix və Çay" və ya "Çay və Twix" kampaniyasını başlayıb. İstənilən hər kəs bu kampaniyada iştirak edərək hər gün oynanılan 2 ədəd “Twix” qutusundan birinə, həmçinin kampaniyanın sonunda hər biri 2 000 manat olan iki əsas mükafatdan birinə sahib ola bilər!
Noyabrın 22-də “Twix” brendi Azərbaycanın mətbuat nümayəndələri və bloqerləri ilə ilk çay süfrəsini keçirib. Tədbirdə brendin nümayəndələri “Twix”in tarixi, şokolad kateqoriyasının inkişafı tendensiyaları və bunun çay istehlakı ənənələri ilə əlaqələri haqqında, habelə nədən məhz Azərbaycanın “Twix” brendinin və çəki şokoladın inkişafı üçün mühüm bir bazar olduğu haqqında danışıblar.
Azərbaycan şokolad istehsalçıları üçün unikal bazardır, çünki bütün şokolad kateqoriyasının 60%-dən çoxu çəki şirniyyatından ibarətdir. Bazarın bu xüsusiyyətinə uyğun olaraq, “Twix” çəki formatında olan konfetlərini dünyada ilk dəfə 2012-ci ildə Azərbaycanda satışa buraxıb.
Tədbirdə jurnalistlər və bloqerlər “Fibonacci” intellektual oyununda iştirak ediblər, öz erudisiyalarını yoxlayıblar və Azərbaycan, çay, şokolad və “Twix” brendi haqqında bir çox yeni şey öyrəniblər. Oyunun sonunda, bütün iştirakçılar məhdud seriyalı “Twix” məhsulları daxil olmaqla, şirin mükafatlar alıblar.
