...

Bal yarmarkasına çıxarılan 3241 məhsulun 562-si keyfiyyət və qida təhlükəsizliyi göstəricilərinə uyğun gəlmədi

İqtisadiyyat Materials 27 Sentyabr 2019 16:01 (UTC +04:00)
Bal yarmarkasına təqdim olunan arıçılıq məhsulları AQTA-nın laboratoriyalarında müayinədən keçirilib
Bal yarmarkasına çıxarılan 3241 məhsulun 562-si keyfiyyət və qida təhlükəsizliyi göstəricilərinə uyğun gəlmədi

Bakı. İlhamə İsabalayeva - Trend:

28 sentyabr - 18 oktyabrda Nərimanov rayonu, Fətəli xan Xoyski prospekti 10 ünvanında (Tofiq Bəhramov adına Respublika Stadionunun ərazisi) keçiriləcək arıçılıq məhsullarının 20-ci Respublika Sərgi-Satış Yarmarkasında satışa çıxarılacaq arıçılıq məhsullarının təhlükəsizlik və keyfiyyət göstəricilərinə nəzarət tədbirləri çərçivəsində bal nümunələrinin laborator müayinəsi həyata keçirilib.

Trend-in məlumatına görə, Azərbaycan Respublikasının Qida Təhlükəsizliyi Agentliyinin (AQTA) əməkdaşları tərəfindən yarmarkada satışa çıxarılacaq məhsullardan nümunələr götürülərək laboratoriya şəraitində yoxlanılıb. Ümumilikdə, götürülən 3241 nümunədən 562-si, yəni 17,34 faizi keyfiyyət və qida təhlükəsizliyi göstəricilərinə uyğun hesab edilməyib.

Göstəriciləri keyfiyyət və qida təhlükəsizliyi standartlarına uyğun olmayan məhsullar satışa buraxılmayacaq və yarmarkanın sonuna qədər “Aqrar Tədarük və Təchizat” ASC-nin Xocahəsən yolu 57 (Meyvəli bazarı) ünvanında yerləşən anbarında karantin şəraitində saxlanılacaq.

Məqalədə:
Xəbər lenti

Xəbər lenti