Bakı. Zaur Mustafayev - Trend:
Hazırda "Bakı Gəmiqayırma Zavodu"nda 6 gəminin inşası həyata keçirilir.
Trend-in məlumatına görə, bunu jurnalistlərə Zavodun baş meneceri İmanverdi Həsənov deyib.
O deyib: "Bu gəmilərdən 4-ü tanker tipli, 2-i isə bərə gəmisidir. Tankerlərin birinin qiyməti 14 mln. dollar, "Ro-Pax" tipli gəmi-bərələrin qiyməti isə 41 mln. dollara başa gəlir".
İ.Həsənovun sözlərinə görə, gələcəkdə zavod digər ölkələr üçün də gəmi tikintisi həyata keçirə bilər.
O, həmçinin əlavə edib ki, hazırda zavodda 1 390 nəfərə yaxın yerli işçi, 200 nəfərə yaxın isə podratçı şirkətlərin xarici işçiləri çalışır: "Təxminən ümumi işçi qüvvəsinin 5%-i xaricilərdir".