...

Azərbaycanda qida məhsulları üçün təhlükəli hallar müəyyən edilir

İqtisadiyyat Materials 28 Fevral 2022 11:01 (UTC +04:00)
Azərbaycanda qida məhsulları üçün təhlükəli hallar müəyyən edilir

Bakı. Elçin Mehdiyev – Trend:

Azərbaycanda qida məhsulları üçün təhlükəli hallar müəyyən edilir.

Trend-in məlumatına görə, bu barədə məsələ “Qida təhlükəsizliyi” haqqında yeni qanun layihəsində əksini tapıb.

Qanun layihəsinə əsasən, təhlükəli qida və yem məhsullarının ilkin istehsalı, istehsalı, emalı və dövriyyəsi qadağandır.

Aşağıdakı hallarda qida məhsulları təhlükəli hesab edilir:

Qida məhsullarının təhlükəsizlik göstəriciləri üzrə indiki, habelə gələcək nəsillərin həyat və sağlamlığı üçün qısamüddətli və ya uzunmüddətli (kumulyativ toksik təsiri daxil olmaqla) dövrdə zərərli olduğuna dair sübutlar olduqda;

Qida məhsullarında aşkar korlanma, dağılma, çürümə əlamətlərinin olması, habelə tərkibindəki maddələrin qida təhlükəsizliyi sahəsində texniki normativ hüquqi aktlara uyğun olmaması səbəbindən istehlak üçün yararsız olduqda;

Qida məhsullarının tərkibində qida təhlükəsizliyi sahəsində texniki normativ hüquqi aktlarla qadağan olunmuş inqrediyentlər aşkarlandıqda.

Məqalədə:
Xəbər lenti

Xəbər lenti