Bakı. Trend:
Hazırda “Azərbaycan Xəzər Dəniz Gəmiçiliyi” QSC (ASCO) ilə Avropa Yenidənqurma və İnkişaf Bankı (AYİB) arasında kreditlə bağlı danışıqlar aparılır.
Trend-in məlumatına görə, bunu iqtisadiyyat naziri Mikayıl Cabbarov "Real TV"nin efirində deyib.
Onun sözlərinə görə, danışıqlar yekun mərhələdədir.
"Danışıqlar uğurla tamamlanarsa, AYİB ASCO-ya dövlət təminatı olmadan kredit verəcək. Kredit vəsaitləri gəmi donanmasının genişləndirilməsinə, gəmiqayırma zavodunun inkişafına və digər məsələlərə yönəldiləcək", - deyə nazir bildirib.