Bakı. Trend:
Dövlət dəstəyi yaradıcı sektorun ÜDM-də payının artırtmasına kömək edəcək.
Trend-in məlumatına görə, bunu iqtisadiyyat nazirinin birinci müavini Elnur Əliyev "Azərbaycanda mədəni iqtisadiyyat: Şuşa - inkişaf impulsları" mövzusunda keçirilən tədbirdə deyib.
"Biz bu istiqamətdə böyük potensial görürük. Beləliklə, dövlət dəstəyi ilə qeyri-neft sektorunun artımı buna misaldır. Qeyri-neft sektoru 10 faizdən çox artıb. Bununla yanaşı, İKT sektorunun inkişafını sürətləndirəcək innovasiya sektorunda sahibkarlar üçün vergi və rüsumlardan azad etmək kimi güzəşt alətləri yaradılıb. Əminik ki, yaradıcı sektora dövlət dəstəyi onun ÜDM-də payını artıracaq”, - deyə nazir müavini bildirib.
O qeyd edib ki, Azərbaycanın işğaldan azad edilmiş ərazilərinin ölkə iqtisadiyyatına yenidən inteqrasiyası iqtisadiyyatın artımını sürətləndirəcək.