Bakı. Trend:
Naxçıvanda DSMF-nin ötənilki büdcəsində qalıq qalan 34 milyon 152 min manat vəsait 2023-cü ilin büdcəsinə daxil edilib.
Naxçıvan Muxtar Respublikası Dövlət Sosial Müdafiə Fondunun mətbuat xidmətindən Trend-ə verilən məlumata görə, 2022-ci ildə Naxçıvanda Dövlət Sosial Müdafiə Fondunun yığım hesabına 132 milyon 776 min 400 manat vəsait daxil olub, proqnoz göstərici 115,2 faiz icra edilibdir.
2022-ci il ərzində Fondun büdcə xərcləri 203 milyon 34 min 126 manat təşkil edib. Fondun 2022-ci il üzrə xərclərinin 198 milyon 690 min manatı və ya 97,9 faizi pensiya və müavinətin ödənilməsinə xərclənib. Ölkə başçısının pensiyaçıların sosial müdafiəsinin gücləndirilməsi ilə bağlı imzaladığı sərəncamlara uyğun olaraq 2022-ci ildə bir il əvvəllə müqayisədə pensiya və müavinət alan şəxslərə 10 milyon 477 min manat və ya 5,5 faiz əlavə vəsait verilib.
Əmək pensiyaları və müavinətlərin ödənişi üçün tələb olunan vəsaitin 66,8 faizi muxtar respublikada məcburi dövlət sosial sığorta haqqı şəklində yığılıb. Naxçıvan Muxtar Respublikası Dövlət Sosial Müdafiə Fondunun 2022-ci ilin büdcəsində 34 milyon 152 min manat vəsait qalıq qalıb, bu vəsait 2023-cü ilin büdcəsinə daxil edilib.