...

Naxçıvanda aqrar emal müəssisələri yaradılacaq

İqtisadiyyat Materials 20 Sentyabr 2023 14:03 (UTC +04:00)
Naxçıvanda aqrar emal müəssisələri yaradılacaq

Bakı. Trend:

2023-2024-cü illərdə Naxçıvan Muxtar Respublikasında kənd təsərrüfatı məhsullarının emal və qablaşdırma sahələrinin inkişaf etdirilməsi məqsədi ilə istehsal müəssisələrinin yaradılması nəzərdə tutulur.

Trend xəbər verir ki, bu, "Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı"nın 2023–2024-cü illər üzrə Təfsilatlı Tədbirlər Planında nəzərdə tutulub.

Bu məsələ ilə bağlı icraçı qurum İqtisadiyyat Nazirliyidir.

Sənədə əsasən, muxtar respublikada kənd təsərrüfatı məhsullarının emalı üzrə müxtəlif təyinatlı (ət və süd emalı, meyvə və tərəvəz emalı, o cümlədən meyvəqurutma, bal və s.), eləcə də şəkər və nişasta istehsalı, dəri və yun qəbulu, o cümlədən dəri emalı müəssisələrinin və qablaşdırma və tara müəssisəsinin yaradılmasının təşviq edilməsi planlaşdırılır.

Xəbər lenti

Xəbər lenti