Bakı. Trend:
Bu ilin yanvar ayında Azərbaycanda ödəniş kartları ilə aparılan ölkəxarici nağdsız əməliyyatların sayı 6,4 milyon ədədə, həcmi isə 270 milyon manata bərabər olub.
Bu barədə Trend Mərkəzi Bankdan məlumat əldə edib.
Məlumata əsasən, bu göstərici 2024-cü ilin eyni dövrü ilə müqayisədə say baxımından 1,1 milyon ədəd və ya 20,7%, həcm baxımından isə 11 milyon manat və ya 4,2% çoxdur.
Qeyd edək ki, 2024-cü ilin yanvar ayında Azərbaycanda ödəniş kartları ilə aparılan ölkəxarici nağdsız əməliyyatların sayı 5,3 milyon ədəd, həcmi isə 259 milyon manat təşkil edib.