Bakı. Trend:
Azərbaycan və Avropa Yenidənqurma və İnkişaf Bankı (AYİB) arasında Gəncədə su təchizatı və tullantıların idarə olunması layihələri müzakirə edilib.
Trend xəbər verir ki, bu barədə iqtisadiyyat nazirinin müşaviri Əsgər Ələkbərov sosial şəbəkə hesabında paylaşım edib.
"Bu gün Azərbaijan İnvestisiya Şirkətindən həmkarlarımızla birlikdə Avropa Yenidənqurma və İnkişaf Bankının (AYİB) Azərbaycandakı Daimi Nümayəndəliyinin rəhbəri xanım Natali Mouravidze ilə onlayn görüş keçirdik. Görüşdə Azərbaycanda, o cümlədən AYİB-in “Yaşıl Şəhərlər” proqramının üzvü olan Gəncə şəhərində su təchizatı və bərk məişət tullantılarının idarə olunması layihələrinin icra vəziyyəti və gələcək planları müzakirə olundu.
Görüş zamanı şəhər su infrastrukturunun, təchizat
səmərəliliyinin və tullantıların idarə olunması sistemlərinin
təkmilləşdirilməsinə yönəlmiş təşəbbüslər əsas müzakirə mövzusu
oldu. Bu istiqamətlər davamlı kommunal xidmətlərin təmin olunması
və əhalinin həyat keyfiyyətinin artırılması baxımından mühüm
əhəmiyyət daşıyır.
Azərbaycanın iri şəhərlərində əhəmiyyətli infrastrukturun
müasirləşdirilməsi istiqamətində göstərdiyi dəstəyə və texniki
ekspertizasına görə AYİB-ə təşəkkür edirik", - paylaşımda qeyd
edilib.