Azərbaycan, Bakı/ Trend , müxbir S.Əliyev/
Gürcüstanda Azərbaycandan tranzit olaraq Poti və Batumi limanlarına gedən sisternlərin yığılıb qalması müşahidə olunur. Hökumətdən bildirilib ki, bunun nəticəsində Türkmənbaşı (Türkmənistan) və Aktau (Qazaxıstan) limanlarından bərələrlə sisternlərin gətirilməsi azalıb.
"Güman olunur ki, oktyabrın əvvəlinə qədər bu problemlər aradan qaldırılacaq",-deyə hökumətdən bildirilib.
Azərbaycan Dövlət Dəmir Yolu ildə 20 mln. tondan çox neft və neft məhsulu göndərmək imkanına malikdir. Türkmənistan və Qazaxıstandan göndərilən neft və neft məhsulları ilə yüklənmiş sisternlər, Azərbaycandan keçməklə, Poti və Batumi limanlarına göndərilir.
