Azərbaycan, Bakı/ Trend , müxbir Ü.İsmayılova/ Azərbaycan Lizinq Şirkətləri Assosiasiyası Azərbaycan Milli Sahibkarlar Konfederasiyasının üzvləri sırasına daxil olmaq istəyini bildirib. Bu barədə çərşənbə günü Azərbaycan Lizinq Şirkətləri Assosiasiyasının (ALŞA) icraçı direktoru Natiq Zeynalov bildirib.
Azərbaycan Milli Sahibkarlar Konfederasiyası sahibkarlığın inkişafı və əməkdaşlığı sahəsində koordinatordur və yerli sahibkarların beynəlxalq səviyyəyə çıxmasına yardım edir.
"ALŞA-nın Konfederasiyaya daxil olması ölkənin lizinq bazarının inkişafına yardım edəcək",-deyə Zeynalov bildirib.
Azərbaycan Milli Sahibkarlar Konfederasiyası 1999-cu ildə yaradılıb.
Təşkilatın üzvlərinin sayı 3,5 nəfəri ötür. Üzvlük haqları isə, sahibkarın hüquqi statusundan asılı olaraq, 100 manatdan 1000 manata qədər müyyən olunub.
