Azərbaycan, Bakı/ Trend , müxbir İ.Xəlilova / Beynəlxalq Maliyyə Korporasiyasının Mərkəzi Asiyada ipoteka kreditləşməsinin ilkin bazarının inkişafı layihəsinin rəhbəri Santyaqo Ruiz-Moralesmin cümə axşamı verdiyi məlumata görə, Azərbaycanda mənzil tikintisinin həcmi ipoteka kreditinin həcminə uyğun gəlmir. Ruiz-Moralesin sözlərinə görə, mənzil tikintisi ölkədə çox sürətlə inkişaf edir, lakin resursların məhdudluğu üzündən, mənzil tikintisi ipoteka kreditlərinin hesabına yanız qismən maliyyələşir.
"Əhalinin mənzil tələbatını ödəmək üçün bu göstəriciləri bir-birinə yaxınlaşdırmaq lazımdır, lakin mən əminəm ki, hər şey düzgün istiqamətdə baş verir" - deyə layihənin rəhbəri bildirib.
Bu arada ABŞ-da baş verən ipoteka böhranı səbəbindən, beynəlxalq maliyyə bazarlarını bürüyən problemdən qaçmaq üçün ,Azərbaycan bankları ümumi kapitalın yalnız 20%-ə qədərini uzunmüddətli kreditləşməyə yönəldə bilərlər. Belə bir məhdudiyyətin mühümlüyü xarici maliyyələşmənin ipoteka kreditlərinə nisbətən, qısa müddətə cəlb edilməsi ilə izah olunur. Yalnız bu halda qısamüddətli əmanətlərin bu hissəsi sabit hesab oluna bilər, qalan 80%-in hesabına uzunmüddətli kreditlər üzrə riskləri sığortalmaq olar. Bununla yanaşı, banklar üçün yenidən maliyyələşmə böyük əhəmiyyət daşıyır və yenidən maliyyələşmənin mexanizmləri hər bir ölkədə fərqlidir.
Morales ipoteka kreditlərinin uzun müddətə dollarla alınması riskinə də diqqəti yönəldib. "Borc götürənin dollar aktivlərinin olmadığı təqdirdə, məzənnənin dəyişkənliyi səbəbindən risklər böyükdür" - deyə məsləhətçi bildirib.
