Azərbaycan, Bakı / Trend müxbir S.Əliyev/ Azərbaycan Dövlət Dəmir Yolu İdarəsi (DDYİ) qarşıdan gələn yeni il bayramı ilə əlaqədar olaraq gücləndirilmiş iş rejiminə keçib. Bu barədə çərşənbə axşamı DDYİ-dən məlumat verilib. Dəmir Yolu İdarəsindən həmçinin bildiriblər ki, sərnişinlərin təhlükəsizliyi məqsədi ilə də tədbirlər gücləndirilib.
İdarə nümayəndəsinin sözlərinə görə, dekabrın 29-30-da ölkənin şimal istiqamətində hərəkət edəcək qatarların biletləri artıq satılıb. Böyük sərnişin kütləsinin daşınması üçün qatarlara əlavə vaqonlar qoşulur.
"Digər günlər üçün (29-30 dekabr istisna olmaqla) biletlər hələ ki, var. Hər ehtimala qarşı bu qatarlara da əlavə vaqonlar qoşulacaq" - deyə DDYİ-dən bildiriblər.