Azərbaycan, Bakı/ Trend , müxbir İ.Xəlilova/ Azərbaycanın səhmdar-kommersiya bankı "Texnikabank" 2008-ci ilin yanvarı üçün avrobondların ilkin yerləşdirilməsi üzrə "road show"nu təxirə salıb. Bu barədə bankın İdarə Heyətinin sədri Samir Hüseynov məlumat verib. Əvvəllər təqdimatın dekabrın ortalarında keçirilməsi planlaşdırılırdı. "Texnikabank"ın emissiyalarının həcmi 200 mln.dollardır. Təqdimat İngiltərə, İsveçrə, ABŞ-da keçiriləcək. Lakin yerləşdirmələrə hazırlıq London birjası vasitəsi ilə aparılır. İlkin avrobondların təkcə banklar arasında deyil, bütün respublikada uğurla yerləşdiriləcəyinə əminlik aparılan marketinq araşdırmaları ilə əlaqədardır. Bu araşdırmalara görə, "Texnikabank"ın qiymətli kağızlarında maraqlı olan konkret investorlar var. Bununla əlaqədar olaraq bank gələcəkdə avrobondlar portfelinin tədricən genişləndirilməsi qərarına gəlib. "Texnikabank"ın avrobondları üç il müddətinə buraxılıb. Regionda - Rusiyada, Qazaxıstanda olan faiz dərəcələrindən çıxış edərək avrobondların faiz dərəcələri 9-9.5% səviyyəsində müəyyən edilib. Belə ki, hökumət növbəti il üçün suveren avrobondların yerləşdirilməsini təxirə salıb. Əgər Azərbaycanın Maliyyə Nazirliyi suveren istiqrazları daha əvvəl yerləşdirsə, gidər emitentlər onun dərəcələrinə meyllənəcək. "Texnikabank" cəlb edilən vəsaitləri 1.5-2 ay müddətində regionlardakı layihələri maliyyələşdirmək və qiymətli kağızlar portfelini, borcların həcmini genişləndirmək məqsədilə bankın filiallarının kredit portfelinin inkişafına yönəltməyi planlaşdırır. "Texnikabank"ın avrobondların yerləşdirilməsinə yardım üzrə lid-meneceri "Morgan Stanley" şirkətidir.
...
