Azərbaycan, Bakı, 9 yanvar/ " Ü.İsmayılova, E.Məmmədov/ Naxçıvan Muxtar Respublikasının Ali Məclisi bu həftə NMR-in 2008-ci il üçün dövlət büdcəsini təsdiq edib. Büdcə gəlirləri 23.25 mln. manat, xərcləri isə, 215.66 mln. manat səviyyəsində təsdiqlənib.
Büdcə gəlirləri 4.04 mln. Manat- fiziki şəxslərin gəlir vergisi, 528,5 min manat- hüquqi şəxslərin mənfəət vergisi, idxal olunan mallara qoyulan ƏDV -1.9 mln. manat, aksizlər-331 min manat, hüquqi şəxslərin əmlak vergisi -192 min manat, hüquqi şəxslərin torpaq vergisi -150 min manat, yol vergisi -355 min manat, mədən vergisi -31 min manat, sadələşdirilmiş vergi -623.5 min manat, gömrük rüsumları -732 min manat, 800 min manat dövlət rüsumları hesabına formalaşdırılacaq.
NMR büdcəsinin xərcləri ümumi dövlət xidmətlərinə -15.21 mln. manat, həmçinin, qanunvericilik və icra hakimiyyəti, yerli özünüidarəetmə orqanlarının saxlanılması xərclərinə -12.22 mln. manat, elmi xərclərə -2.75 mln. manat, milli təhlükəsizliyə -3.29 mln. manat, məhkəmə sistemi və hüquq-mühafizə orqanlarına -19 mln. manat yönəldiləcək.
Təhsil sahəsinin təkmilləşdirilməsi üçün büdcədən 50.15 mln. manat ayrılacaq. Bundan əlavə, büdcədən səhiyyəyə-15.37 mln. manat, əhalinin sosial müdafiəsinin təminatı üçün -12.47 mln. manat, mədəniyyət sferası üçün -6.83 mln. manat, kommunal təsərrüfata -6.25 mln. manat, kənd təsərrüfatının inkişafı üçün -21.55 mln. manat, tikinti işləri üçün -39.26 mln. manat, nəqliyyata-6.67 mln. manat, iqtisadi fəaliyyətə -7 mln. manat ayrılıb. Ehtiyat fondu 9 mln. manat həcmində müəyyən edilib.
