Azərbaycan, Bakı, 10 yanvar/ " müxbir İ.Xəlilova/ Yaponiyanın Beynəlxalq Əməkdaşlıq Bankı (JBİC) Azərbaycanın beş şəhərində su təminatı və kanalizasiyanın yaxşılaşdırılması layihəsi üzrə tikinti işləri üçün tender elan edib. Bu barədə cümə axşamı Azərbaycanın Konsaltinq Şirkəti ASPİ-dən məlumat veriblər. Layihənin texniki-iqtisadi əsaslandırılılması Tokio Engineering/ASPI tərəfindən atlı şəhər -Şamaxı, Salyan, Neftçala, Bərdə, Quba və Əli Bayramlı üzrə hazırlansa da, Şamaxını Dünya Bankının su layihəsinə qoşmaq planlaşdırılırdı. Yekun qərarın yoxluğu səbəbindən, JBİC layihəsi üçün rayonun seçimində qeyri-müəyyənlik qalmaqda davam edir. Bundan əlavə, "Azərsu" SC podrat işlərinin ümumi həcmi də müəyyənləşməyib.
Yapon bankı 20 mln. dollar kredit təqdim edib. Lakin ASPİ-dən bütün dünyada qiymətlərin bahalaşması və su təminatı sistemlərinin tikintisi, adətən, bir il vaxt tələb etdiyindən,bu bir il ərzində gözlənilən artımla əlaqədar, əlavə vəsaitlərin lazım olacağını düşünürlər.
Hökumət banka şəhərlərin siyahısını 10-dək artırmağı təklif edib. Lakin bunun üçün yeni şəhərlər üzrə əlavə texniki araşdırmalar aparılmalı və yaxud bank DB-nin birgə maliyyələşdirməsində iştirak etməlidir. Bunu gözləməyən JBİC podratçını beş şəhər üzrə müəyyən etməyə qərar verib.
Hökumətlə JBİC arasında kredit razılaşmasının fevraldan tez olmayaraq, Yapon bankının Direktorlar Şurasında layihənin təsdiqindən sonra imzalanacağı gözlənilir. Bank kanalizasiya sisteminin bərpası üçün 0.14, su təminatı üçün isə 0.65 faiz dərəcəsi ilə kredit ayırmağı təklif edir. Kanalizasiya üçün şərtlərin yumşaldılması xidmətlərin dəyəri ilə əlaqədardır. Belə ki, Azərbaycanda su xidmətlərinin qiyməti bahadır.
Su təminatı sisteminin yaxşılaşdırılması su toplanılması üzrə tikinti tədbirləri, təmizləmə, şəhərədək nəql olunama və paylaşdırma, kanalizasiya üzrə isə nəqliyyat, təmizlənmə və tullanmanı nəzərdə tutur.
Layihə üzrə tikinti işlərinə oktyabrda başlamaq nəzərdə tutulur.