Azərbaycan, Bakı, 11 yanvar/ , müxbir İ.Xəlilova/ 2007-ci il avqustun 13-də fəaliyyətə başlayan Əhalinin Əmanətlərinin Sığortalanması Fondu sığorta edilən məbləğin maksimal ölçüsünü 6 min manatadək artırıb. Sığorta edilən məbləğ 2008-ci ildən başlayaraq tamamilə ödəniləcək. Bu barədə cümə günü fonddan məlumat verilib. Bu məbləğ 2010-cu ildə 8 min manatadək artacaq.
Sığorta haqqında qanuna əsasən, 2008-ci il yanvarın 1-dək Fonddan 4 min manat həcminədək əmanətlər ödənilirdi. Bununla yanaşı, faiz dərəcələri AMB-nin uçot dərəcəsindən 1.8 (hal-hazırda 13%) dəfə çox olan əmanətlər sığortalanmayacaq və bu o deməkdir ki, sığorta ediləcək əmanət üzrə faiz dərəcəsi 23.4%-dək ola bilər. Belə əmanəti qəbul edən banklar müştərini Sığorta Fondu tərəfindən ödəmənin olmaması haqqında məlumatlandırmalıdır.
Kompensasiyalar sığorta hadisəsi zamanı, daha dəqiq desək bankın ləğv və ya müflis olması, məhkəmənin əmanətlər üzrə vəzifələrin yerinə yetirilməsinə moratorium tətbiq etmək qərarının qüvvəyə minməsi halı zamanı verilə bilər. Müflis olan bankın əmanətçisi bir il ərzində Sığorta Fonduna müraciət etməlidir. Fond ərizə təqdim edildikdən sonra 90 gün ərzində kompensasiyanı ödəməlidir. Hər bir halda əmanətçi beş il ərzində kompensasiya almaq hüququna malik olur.
Sığorta Fondunun 37 üzvü var. O, bankların birdəfəlik üzvlük haqlarından (10 min manat) əlavə əmanətlər üzrə gündəlik qalıqların 0.15%-i məbləğində təqvim ödəmələri hesabına formalaşdırılır. Sonralar təqvim ödəmələri gündəlik qalığın 0.125 faizinədək azaldıla bilər. İlk təqvim ödəmələri oktyabrda edilib, ikinci isə bu ilin yanvarında gözlənilir.
2007-ci il oktyabrın 1-dək fond əhalinin ölkənin 43 bankı tərəfindən cəlb edilmiş depozitlərinin (1.2 mlrd. manat) 85.96%-ni ödəyirdi. Ödəmənin ümumi ölçüsü 1.032 mlrd. manat təşkil edib.
Sığorta Fondunun kapitallaşdırılması 1907.253 min manata çatıb. Fond artıq öz üzvlərindən 601,916 min manat, 1002,17 min dollar və 73,068 min avro təqvim ödəmələri toplayıb. Onların manatla ümumi həcmi 1547,253 min manat təşkil edib.
