Azərbaycan, Bakı, 14 yanvar / Trend , müxbir İ.Xəlilova / Bazar ertəsi Avropa İttifaqının Texniki Yardım Proqramının Koordinasiya Bürosunun (Tacis) icraçı direktoru Rüfət Məmmədov bildirib ki, Avropa Komissiyası Avropa Qonşuluq Siyasəti(ENP) çərçivəsində? 2008-ci il üçün kənd təsərrüfats sahəsində indikativ Proqramın hazırlanmasına dair Azərbaycana ekspertlər göndərir.
Aİ ekspertlərinin - Pyer Van Rouz Brek və Xədic Qədrinin səfəri bu həftədə baş tutacaq.
Hazırda iki istiqamət - ədliyyə və aqrar sahəyə baxılır. Bunlardan biri Proqrama daxil ediləcək, digəri isə, 2009-cu ilin Proqramı çərçivəsində maliyyələşdiriləcək.
Ədliyyə barəsində təklif keçən ilin dekabrında hazırlanıb və həbs cəzası sistemini, regionlar məhkəmələrin, Ədliyyə Nazirliyinin yanında fəaliyyət göstərən Ədliyyə Akademiyasını və milli qanunvericiliyin Avropa standartlarına çatmasını dəstəkləyəcək.
İkinci istiqamətə görə, sahələr Aİ ekspertlərinin köməyi ilə dəqiqləşdiriləcək. Məmmədov qeyd edib ki, əsasən, Azərbaycanın Dünya Ticarət Təşkilatına (DTT) üzv olması və kənd təsərrüfatı sahəsində islahatların aparılması mövzuları müzakirə olunacaq.
Ümumilikdə, ENP-nin Azərbaycan üçün 2007-2010-cu illərdə ayırdığı büdcə 92 mln. avro həcmində nəzərdə tutulub.
2006-cı ilin noyabrında Brüsseldə təsdiq edilən ENP-nin Azərbaycan üçün əsas fəaliyyət istiqamətləri - ölkədə demokratiyanın inkişafı, iş və investisiya ab-havasının yaxşılaşdırılması, iqtisadiyyat sahəsində və idarəçilik təcrübəsində qanunvericiliyin qaydaya salınması, energetika və nəqliyyat sahələrində Aİ və AR arasında əməkdaşlığın inkişafı, regional əməkdaşlıq və başqaları müəyyənləşdirilib.
Tədbirlər üç əsas sahəyə bölünüb - idarəçilik sisteminin təkmilləşdirilməsi, iqtisadi və sosial islahatlar, energetika, nəqliyyat, ekologiya və infrastruktur.