Azərbaycan, Bakı, 15 yanvar / Trend , müxbir İ.Xəlilova / Çərşənbə axşamı Vergilər Nazirliyinin vergi ödəyicilərinə qulluq Departamentinin "vahid pəncərə" sistemində Qeydiyyat Şöbəsinin hüquqşünası Qədir Məmmədov bildirib ki, Azərbaycanda özəl təşkilatların qeydiyyat reyestrini Vergilər Nazirliyinə köçürmək üçün işci qrupu yaradılıb.
2008-ci ilədək qeydiyyat Ədliyyə Nazirliyində aparılıb. Bu səlahiyyət Vergilər Nazirliyinə verildikdən sonra, arxiv də vahid orqanda olmalıdır.
Bakı üzrə indiyədək 70 min özəl şirkət qeydiyyatdan keçib. Bu da ümumi vergi ödəyicilərinin (350 min) 5 faizini təşkil edir. Yanvarın 15-də Vergilər Nazirliyində keçirilən "vahid pəncərə" prinsipinin tətbiq etmə təqdimatında bildirib ki, bu çox aşağı göstəricidir və sahibkarların işlərini hüquqi şəxssiz aparmasının sübutudur.
Onun fikrincə, qeydiyyat üsulunun çətin olması şəxsi sahibkar statusunda iş görənlərin sayının artmasına səbəb olub. 2000-ci ilin rəqəmlərinə görə, ölkədə 81,6 min hüquqi şəxs və 86 min fiziki şəxs sahibkarlıqla məşğul olmaq üçün qeydiyyatdan keçib.
Məmmədov hesab edir ki, "vahid pəncərə"nin tətbiqi sahibkarlıq işinin qeydiyyat sistemində yenilikdir və ölkədə sahibkarlığın inkişafına təkan verəcək. Qeydiyyat üsulunun sadələşdirilməsi nəticəsində, qeydiyyatdan keçən hüquqi şəxslərin sayı hər il 10-15 min nəfərədək artır. Bu rəqəm indiyədək 4-5 mini keçmirdi, fiziki şəxslərin qeydiyyatı isə, 20-30 minə barabərdir.
Bütün dünyada qeydiyyat sisteminin sadələşdirilməsinə görə bu göstəricilər fərqlidir. ABŞ-da hər il qeydiyyatdan keçən 25 mln. sahibkardan 17 mln.-u hüquqi şəxslərdir.
2008-ci il yanvarın 1-dən sahibkarlığın qeydiyyatı vergi orqanlarında keçirilib "Vahid pəncərə"-nin tətbiq edilməsindən sonra yeni müəssisələrin qeydiyyatı 72 gündən 3 günə, üsulların sayı 15-dən 5-ə endirilib.
