Azərbaycan, Bakı, 17 yanvar / Trend , müxbir A.Bədəlova / Dünyanın ən iri səsyazma şirkətlərindən olan Britaniyanın "EMİ" şirkəti, xərclərini azaltmaq üçün 2 minə yaxın işcisini ixtisar edəcək. 2007-ci il martın 31-də sona çatan maliyyə ilində "EMİ" 263 mln. funt sterlinq ziyana düşüb.
Cümə axşamı Britaniyanın ən iri qəzeti "Financial Times"-in Media-redaktoru Endrü Edjeklif-Consonun (Andrew Edgecliffe-Johnson) Trend a verdiyi məlumata görə, işçilər və artistlərin menecerləri hesab edirlər ki, şirkətdə olan böyük və sürətli dəyişikliklər artistlərlə "EMİ" arasında əməkdaşlığa təsir göstərə bilər.
Onun sözlərinə görə, şirkətin yeni sahibi Qay Hends (Guy Hands) hesab edir ki, 90-cı illərdən "EMİ"nin çoxlu işcisi var. Bu illərdə lazer kompakt-disklərin audiokasetləri və vinil valları bazardan sıxışdırması musiqi sənayesinə böyük gəlir gətirib.
Təxminən 4500 əməkdaşı olan "EMİ" bir neçə studiyadan ibarətdir - Capitol, Virgin, Parlophone, Blue Note. Bu studiyaların hər biri şəxsi marketinq, gəlir və işcilərə malikdirlər.
"Hends hesab edir ki, iş yerlərinin təxirə salınması, marketinq və hüquqşünas komandasının və "EMİ" mərkəzində maliyyəçilərin sayının azlığı, sırf artistlərlə işləyən işcilərin fəaliyyətinə təsir etməyəcək", - Edjeklif-Conson deyib. Bu, "A& R" və ya "artist və repertuar" (musiqiçilərin musiqini ifa etmə stili və imic məsləhətçiləri) şöbəsinin işçiləridir.
"EMİ"nin yeni sahibi şirkətin Böyük Britaniya və Birləşmiş Ştatlar sərhədlərindən kənarda fəaliyyət göstərməsi daha gəlirlidir" - o bildirib. Lakin o, "EMİ"nin Asiya və MDB ölkələri bazarlarında fəaliyyətini şərh etməyib.
"Bu bazarlarda (Asiya və MDB ölkələri) fəaliyyət "A& R" üzərində cəmləşəcək. Şirkətin marketinqi və gəlirləri Londonda və Birləşmiş Ştatlarda qalacaq", - Edjeklif-Conson deyib.
"EMİ"nin buraxdığı musiqi disklərini Şimali Amerikada sata bilməməsi son zamanlar rəqəmsal faylların satışını iternet-mağazaya keçirməyə vadar edib.
Şirkət "Beastie Boys", "Norah Jones", "Spice Girls", "Coldplay", "Rolling Stonesi" "Kylie Minogue"nin mahnılarının səsyazma hüquqlarına malikdir. Ştatın ixtisara salınmasıyla əlaqədar, Robbi Uilyams bildirib ki, albom buraxılmasından imtina ediləcək. Keçən il Pol Makkartni leybl əməkdaşlığından imtina edib.
2007-ci ilin avqustunda səsyazma şirkətinin yeni sahibi şəxsi investisiya şirkəti "Terra Firma" olub.
