Azərbaycan, Bakı, 25 yanvar/ " müxbir İ.Xəlilova/ Beynəlxalq Maliyyə Korporasiyası (BMK) "sekyuterizasiya haqqında" Qanunun hazırlanmasında Azərbaycan Milli Bankına (AMB) texniki yardım göstərəcək. Bu barədə BMK-nın Mərkəzi Asiyada ilkin ipoteka kreditləşməsi bazarının inkişafı layihəsinin maliyyə analitiki Azər Əliyev məlumat verib.
Hazırda AMB üçün məsləhətçi seçilir.
Layihənin rəhbəri Santyaqo Ruiz-Morales cümə axşamı bildirib ki, layihə çərçivəsində, AMB-nin nəzdində fəaliyyət göstərən Azərbaycan İpoteka Fonduna ipoteka kreditləşməsinin yeni modeli və sekyuterizasiya proqramının hazırlanmasında yardım göstərilir.
İndiyədək AİF-də subsidiyalaşmış ipoteka modeli tətbiq olunur ki, bu da ehtiyatlarla ipoteka maliyyələşməsini məhdudlaşdırır. Fond imkanların genişləndirilməsi və əlavə vəsaitlərin cəlb edilməsi üçün kommersiya ipoteka kreditləşməsi modelinin tətbiqinə hazırlaşır. Bununla yanaşı o, 2008-ci il dövlət büdcəsində dəstəklənməsi üçün 34 mln. manat ayrılan sosial ipoteka proqramı ilə paralel tətbiq olunacaq.
BMK-nın layihəsinin əhatə etdiyi beş ölkədən ipoteka kreditləşməsi sahəsində ən çox irəli gedən və ən böyük ipoteka portfelinə malik olan Qazaxıstandır. Digər ölkələr isə, ipoteka bazarının inkişafının ilkin mərhələsindədirlər.
Azərbaycanda ipoteka kreditləri bankların tədricən öz ipoteka proqramlarını tətbiq etmələrinə baxmayaraq, əsasən, AİF vasitəsilə verilib.
Azərbaycan banklarında sekyuterizasiya metodu ilə ipoteka kreditləşməsnin tətbiqi dövlət səviyyəsində ümumi Proqramın və Qanunun qəbulundan sonra mümkün olacaq.
Qanunvericiliyin təkmilləşdirilməsi və AİF-in institutional potensialının artırılması üzrə tədbirlər BMK-nın texniki yadım layihəsinin II fazası çərçivəsində aparılır. Layihə Maliyyə Korporasiyası və İsveçrənin iqtisadi əlaqələr üzrə Dövlət Katibliyi (State Secretariat for Economic Affairs - SECO) ilə birgə maliyyələşdirilir. Regional olmasına və Mərkəzi Asiya və Azərbaycanı əhatə etməsinə baxmayaraq, SECO-nun vəsatiləri yalnız Azərbaycan üçün nəzərdə tutulub.