Azərbaycan, Bakı, 29 yanvar / Trend , müxbir U.İsmayılova/ Azərbaycanın sığorta şirkətləri 2007-ci ildə 147,20 mln. manat sığorta haqları toplayıb ki, bu da 2006-cı ilin göstəricisindən 62,7 faiz çoxdur. 2006-cı ildə sığorta şirkətlərinin haqları 90,45 mln. manat təşkil edib. Bu barədə Azərbaycan Maliyyə Nazirliyinin məlumatında bildirilir.
O cümlədən, 2007-ci ildə sığorta haqlarının ümumi həcmindən 2,19 mln. manat həyat sığortası, 123,83 mln. manat Non life sığorta, 21,18 mln. manat isə icbari sığortanın payına düşüb.
2007-ci ildə şirkətlərin sığorta ödəmələri 35,62 mln. manat təşkil edib. Bu da 2006-cı ilin göstəricisindən 33,6 faiz azdır. O cümlədən, ödəmələrin ümumi həcmindən 0,22 mln. manat həyat sığortası, 27,84 mln. manat Non life sığortası, 7,56 mln. manat isə icbari sığortanın payına düşüb.
Hazırda Azərbaycanda 30 sığorta şirkəti fəaliyyət göstərir.
